مش هيني تكون لبناني

مش هيني تكون لبناني
--------------------------

--
المصير اختارك التاريخ بيتحداك
بتزرع ما بتحصد كلن مرتاحين ما عداك
بتضحي ما بتلاقي بتنزف ما بيجف الدم
بتموت ... لترجع تموت من جديد بذات الهم
هيدا قدر اللبناني ومش هيني تكون لبناني

بدّا مجهود مش بس انساني
بدّا قدرة وقوة مش متوفرة بحدا تاني
بدّا فعلاً تكون من قلب قلبك لبناني
بدّا فوتي بالحيط ومرّات كتيرة بالقزاز
بدّا جرأة ومحبة وطن واعتزاز
مش هيني تكون لبناني
بس لبنان وطن ما إلو تاني

بتقللي ضحّيت سنين وتعبت شو إجاني
هيدا بلد ... هيدا قدرك لأنّك لبناني
ومش هيني ابداً يكون الواحد لبناني