ميفوق مش قوات ... ميفوق مش عونية ... ضيعنا لبنانية

 

بلدتي

"العودة الى الوطن"

 "بلدتي"جمعية وطنية، انمائية، بيئية، ثقافية غايتها ايجاد حلول بسيطة و عملية لأحياء القرى العربية من خلال لمَ شمل مجتمعاتها، دعم مؤسساتها وتنشيط الحواربينها و بين كافة اعضائها.( بموجب علم و خبر رقم : 7/اد - 2003)

 

بس للمعلومات العامة وللتاريخ : عمري 50 سنة و عنا عيلة و بي ل 5 ولاد - وانا من ميفوق و خلقت بالأشرفية و سنة ال 75 اول شهيدين من ميفوق طانيوس جواد رقيب بالجيش اللبنلني و أكرم جواد ابنو ,عم وابن عم امي شهداء الكتائب اللبنانية على جبهة عين الرمانة. سنة 81 كنت رئيس خلية المون لا سال الكتائبية . سنة 82 كنت اول شب من ميفوق بيلتحق بثكنة القطارة . سنة 89 اسسنا شبيبة ميفوق و كان في 150 شب و بنت من كل الأنتماءات و نزلنا على المجلس الحربي و طلعنا على بعبدا ايام الأحتلال السوري و سنة 2002 اسست جمعية بلدتي و فيا 1468 ضيعة و 7000 منتسب من كل الطوايف والمذاهب والألوان ... و هيدي العيلة يلي بلقي حالي فيها اليوم.

 و بنشتغل تنمية و بيئة و ثقافة و برامج أعلامية على صوت لبنان وعلى otv , lbc , mtv , future , tl ....

كل هالشرح لماحدا يقللي ما خصك بالحرب... و ما خصك بميفوق ... و ما خصك بالشهدا ...

 

حضرة رؤساء الأحزاب اللبنانية المحترمين

حضرات النواب ورجال الدين و المسؤؤلين  ايها اللبنانيون

 ميفوق قرية وادعة دخلت التاريخ من بابه العريض مرات عديدة . مرة يوم انعم الله عليها بواد مقدس , وادي ايليج ومرة أخرى عندما اختيرت لتكون مركزا بطريركيا و مرة لما كانت صرحا رياضيا و بطلة لأندية جبيل في ال سبعينيات.

 

وفي 1975 اتت الحرب واختيرت ميفوق لتكون مركزا لقيادة القوات اللبنانية و ساهمت و ناضلت و عانت من تبعات الحرب مثلها متل العديد من باقي القرى اللبنانية.

مرات عديدة كانت ميفوق محط انظار الأعلام بمواضيع مشرفة ومرات بمواضيع مسيئة.

اليوم اصبحت ميفوق بنظر العديدين خط تماس بين القوات اللبنانية و التيار الوطني الحر

نريدها ان تصبح ساحة التقاء و مسامحة برعايتكم.

سنطلق اليوم حملة :

ميفوق مش قوات ... ميفوق مش عونية ... ضيعنا لبنانية

و بلدتي ستتابع مع جمعيات صديقة معنية بالسلم الأهلي سلسلة لقائات و حوارات حول المصالحة والمسامحة والأنتقال نحو بناء مجتمع متضامن متصالح ومنتج.

 

كل يلي فهم علي و عمرو تحت ال 50 سنة .... بترجاكن نتعلم ...

 ملحق : دور البلديات في زمن الأنتخابات  

30-9-2012  

شاكر نون     

مؤسس جمعية بلدتي